दिल्लीका निम्ति दिल दिएर सेवा गर्ने र नेपाली कांग्रेसलाई दक्षिणको नजिकै राखिराख्ने क्रममा अघिल्लो महाधिवेशनमा यी दुवैले सुशील कोइरालालाई दिलोज्यानले सघाए । त्यसका निम्ति कृष्ण सिटौलालाई महामन्त्री र अमरेशलाई केन्द्रीय सदस्यमा मनोनीत गर्ने सहमति बन्यो । जतिसुकै बढी विरोध भए पनि त्यसको पर्वाह गरेनन् सुशीलले र सिटौलालाई दिएको वचन पूरा गरे । तर, अमरेशलाई भने केन्द्रीय सदस्यसमेत बनाइएन । गिरिजाकै पालादेखि झिसमिसे बिहानी ५ बजे नै सिटौला कोइरालानिवास पुग्ने गरेका छन् । धर्मात्माहरूले मन्दिर धाएझै“ उनको नित्यकर्म अहिलेसम्म जारी छ । कोइराला परिवारस“गको निकटताको फाइदा सिटौलाले राम्रैस“ग उठाएका छन्, त्यसैले आज–भोलि उनका प्रतिस्पर्धी अमरेशको नाम सुन्नासाथ सुशील जंगिने गर्छन् ।

यसरी कृष्णप्रसाद सिटौलाले बीचमै छिर्के हालेपछि अमरेश कांग्रेसको केन्द्रीय सदस्य हुनबाट मात्र वञ्चित भएनन्, कोइरालानिवासको ढोका पनि उनका लागि पा“च महिनादेखि बन्द छ । रमाइलो कुरा के छ भने सिटौलाको उक्साहट र भए÷नभएका पोल सुनेका सुशीलले एकदिन अमरेशलाई आफ्नै निवासबाट ‘गेटआउट’ को आदेश दिए । त्यसपछि कुन मुख लिएर फेरि त्यहा“ खुट्टा हाल्नु ! अमरेश महाराजगन्जतिर फर्किएका पनि छैनन् । आफूलाई सभापति बनाउन मरिहत्ते हाल्ने अमरेशप्रति सुशीलको कुनै प्रकारको आग्रह–पूर्वाग्रह भने रहेको देखि“दैन । जे–जति काम भएको छ अमरेशविरुद्ध, त्यो सबैका लागि सिटौला नै जिम्मेवार रहेको देखिएको छ । आखिर आफ्नो प्रतिस्पर्धीलाई बाटोबाट हटाउनु त राजनीतिक धर्म नै हो । त्यसैले सिटौलाले पन्छाए अमरेशलाई केन्द्रीय समितिबाट ।