उसले, ‘हैन, त्यस्तो हुँदै होइन’ भन्यो । त्यसरी मलाई नै ढाँटेपछि मैले रिसाएर ‘तैंले निकै ठूलो रुपमा बर्वाद गर्ने भइस्, जे मन लाग्छ, त्यही गर्’ भनेँ । त्यसको भोलिपल्ट मम्मीचाहिँलाई ‘म नगरकोट जान्छु’ भनेर हिँडेछ । उता समिरलाई चाहिँ ‘म हिँडेँ, अब आफ्नै श्रममा बाँच्छु’ भनेर इमेल गरेको रहेछ । त्यसपछि बिनालाई खोज्न लगाएँ तर उनी पनि छैनन् । ऊ मेरो छोरो मात्र नभएर हेडक्वार्टरको स्टाफ र क्षेत्रीय ब्युरो सदस्य पनि हो । अब यस्तो कुरा उठेपछि अनुसन्धान गर्नुपर्छ । लौ, अब त्यसलाई निलम्बन गरौं ।’ प्रचण्डले आफैं प्रस्ताव राखेपछि प्रकाश निलम्बनमा परेका हुन् ।