चालु आर्थिक वर्षमा लामो समयसम्म स्थानीय विकास अधिकारी र योजना अधिकृतको सरुवाका कारण जिल्ला विकास समितिका मुख्य काम ठप्प थिए । माघदेखि सुमन घिमिरे हाजिर भएका छन् । तर, उनी आएपछि पनि जिविसका काम द्रुतगतिमा अघि बढ्न नसकेको गुनासो आइरहेका छन् । उनी काज र अनुगमनको नाममा पटक–पटक जिल्लाबाहिर जाने गरेकाले कामकारबाही प्रभावित भएको छ । आर्थिक वर्षको अन्त्यमा एलडिओ नियमित कार्यालयमा नबस्दा विभिन्न योजनाको भुक्तानी लिन गाह्रो भएको सेवाग्राहीको गुनासो छ । गाउ“बाट आएका सर्वसाधारण कार्यकक्षबाहिर टा“सिएको नेमप्लेटमा अधिंकाश समय बाहिर लेखिएको देखेर निरास भई फर्कने गरेका छन् ।

स्थानीय विकास अधिकारी घिमिरे बाहिर गए पनि निमित्तका रूपमा अरूलाई खासै जिम्मेवारी नदिने र जानकारीसमेत नदिई हि“ड्ने गरेकाले सेवाग्राहीले सास्ती खेप्नुपरेको एक कर्मचारीले बताए । योजना सम्पन्न गरेर जिविस आएका फिक्कलका सनत पराजुली एलडिओ कार्यालयमा नभेटिएकै कारण पटक–पटक जिविस धाउनुपरेको बताउ“छन् । यता, पश्चिमी गाविस इभाङबाट आएका मदन राईले स्थानीय विकास अधिकारी नभएकै कारण तीन दिन सदरमुकाममा बस्नुपरेको बताए । काज, अनुगमन, उद्घाटनजस्ता काममा कार्यालयबाहिर जान रुचाउने घिमिरेले कार्यालयमा हु“दा पनि सर्वसाधारणलाई सहज भेट नदिने गरेको सर्वसाधारणको गुनासो छ । उनी आएपछि स्थानीय विकास अधिकारीको कार्यकक्षमा जहिल्यै ढोका लाग्ने गरेको छ । यस्तो सिस्टम जिल्ला प्रशासन कार्यालयमा बाहेक जिल्लाका अन्य कुनै कार्यालयमा छैन ।