ज्ञानेन्द्रको अन्तर्वार्ता दिने हाउभाउ सम्झौतापत्र निकाल्ने खालको थियो । खनालले पत्रकारमाझ भने– तर त्यस्तो सम्झौता भए पो निकाल्थे, नभएको सम्झौता कहा“बाट निकाल्नु ! प्रेस चौतारी नेपाल कैलाली शाखाले सोमबार आयोजना गरेको पत्रकार सम्मलेनमा खनालले धार्मिक भ्रमणको नाममा देश दौडाहामा रहेका ज्ञानेन्द्र सबैभन्दा ठूलो अवसरवादी रहेको आरोप पनि लगाए ।

‘आफूलाई जनताले चाहेको भन्दै ज्ञानेन्द्रले सत्ता हत्याउने खेल खेलिरहेका छन्,’ पूर्वप्रधानमन्त्री खनालले भने ज्ञानेन्द्रले शिरदेखि तिरसम्म धमिलो पानीमा माछा मार्ने काम गर्दै छन् । खनालका अनुसार ज्ञानेन्द्र हिजो कसरी राजा भएका थिए भन्ने रहस्यमय छ त्यसरी नै फेरि पनि राजा हुने सपना देखेका होलान् त्यो कहिल्यै पूरा हु“दैन । खनाल पार्टीको सेती अञ्चलस्तरीय कार्यकर्ता भेला तथा प्रशिक्षण कार्यक्रमका लागि धनगढी आएका हुन् । आइतबारको कार्यक्रममा उनले अधिकांश समय माओवादीकै विरोधमा खर्चिए । उनले माओवादीले कम्युनिस्टहरू राष्ट्रवादी हुन्छन् भन्ने मान्यतालाई तिलाञ्जली दिएको आरोप मात्र लगाएनन्, राष्ट्रपति हुन जनजातिलाई उचालेको र उसकै कारण संविधानसभा विघटन भएको चर्चा पनि गरे ।