१९ असारमा मोरङको टंकीसिनवारी–२ बाट १० वर्षीया श्रेष्ठ थरकी बालिकालाई अपहरण गरेर लान खोज्दै गर्दा स्थानीयवासीको सहयोगमा प्रहरीले सुनसरीको दुहवी बजारका ३९ वर्षीय दीपक झा र ३५ वर्षीया सरिता झालाई पक्राउ गरेको छ । अनुसन्धानका क्रममा उनीहरूले मिर्गाैला झिक्नकै लागि बालबालिका अपहरण गरेर लैजान खोजेको खुलेको हो । दलालहरूले अपहरण गरेर लगिएका बालबालिका भारतीयमूलका दलाललाई जिम्मा लगाउने र उसले मिर्गाैला तस्करीमा संलग्न चिकित्सकलाई बुझाउने गरेका छन् । दलालले बालबालिकालाई बिहारस्थित सुर्पौल जिल्लाको ललितगन्ज पु¥याउने गरेका छन् ।

पक्राउ परेका सरिता र दीपकले बालबालिका विनोद यादवलाई जिम्मा लगाउने योजना रहेको वयान दिएका छन् । उनीहरूले एकजना बालबालिका भारत पु¥याएबापत ४० हजार रुपैया“ पाउने गरेको बताए । दुवैको मूल घर सुपौल हो । दीपक २० वर्षदेखि नेपाल बस्दै आएका थिए । ललितगन्ज माइती भएकी सरिता ५ वर्षदेखि नेपाल बस्दै आएकी थिइन् । दुवैले नेपालबाट सकेसम्म धेरै बालबालिका मिर्गौला झिक्न भारत पु¥याउने योजना बनाएको तर पहिलोपटकमै पक्राउ परेको प्रहरीलाई बताएका छन् । यसैबीच जिल्ला प्रहरी मोरङमा भारत पन्जावका एक २३ वर्षे युवाले आफूलाई अपहरण गरिएको तर राजमार्गमा प्रहरीले गर्ने नियमित चेकजा“चले गर्दा ज्यान जोगाउन सफल भएको बताएका छन् । क्यानाडामा रोजगारीका लागि पठाइदिने बहानामा पन्जावबाट अपहरण गरी रहस्यमय तरिकाले नेपाल ल्याइएको भनिएका मन्दीप सिंहले पूर्व–पश्चिम राजमार्गमा चेकिङ देखेपछि भाग्न आफू सफल भएको बताएका हुन् ।