अर्थ मन्त्रालयलाई आगामी वर्षको लागि बजेट बनाउन चटारो परिरहेका बेला अर्थ सचिवदेखि अन्य धेरै कर्मचारीलाई भ्याइनभ्याइ छ तर श्रेष्ठचाहिँ अर्कै धन्दामा व्यस्त छन् । उनले आफूलाई व्यस्त राखेको यो धन्दा कुनै बन्द व्यापारको होइन, बरु छरछिमेकमा सिमाना मिच्ने खेती हो । सरकारी सम्पत्ति निजी बनाउनमा माहिर श्रेष्ठले आफ्नो घरको दक्षिणतर्फको सडक छेउ फुटपाथ मिचेका छन् भने पूर्वतिरको कुमारी मन्दिर र सार्वजनिक जग्गा हडपेका छन् ।